(1)
الفي إيدو القلم ما بكتب نفسو (كوز).
(2)
عينك في (العسكر) وتطعن في (الحرية والتغيير).
(3)
بيت أبوك إن خرب كون ليك (حركة مسلحة).
(4)
جبل الذهب بهدو (التهريب).
(5)
الخيل تجقلب والشكر لحميدتي.
(6)
البقول ليك سمين .. قول ليه (حركات مسلحة).
(7)
الما بشوف من (الغربال) يبقى (صلاح نمر).
(8)
جلداً ما جلدك جر فيه (التوم هجو).
(9)
أخوك لو بقى عسل ما تبقى ليه (مبارك أردول).
(10)
من يضحك أخيراً (آدم سوداكال).
(11)
كلام الليل تمحوه لجنة التحقيق في مجزرة فض الاعتصام.
(12)
الخيل الحرة بتجي في (30 يونيو).
(13)
الما بتلحقو فك فيه (بمبان).
(14)
البيتو من قزاز ما يجدع الناس بـ (البمبان).
(15)
الما بريدك في الضلمة يبقى ليك (لجان مقاومة).
(16)
بلد ما فيها (…) يقدل فيها (الدعم السريع).
(17)
الليك لو كان (كوز) سوى في عينيك.
(18)
إيد على إيد تسقط حكومة.
(19)
الما بعرف يقول (تمازج).
(20)
أم جركم ما بتاكل (ثورتين).
(21)
أبوالقدح بعرف كيف يبقى عضو مجلس سيادة.
(22)
الجمرة بتحرق الشعب.
(23)
المال تلتو ولا (جبريل إبراهيم).
(24)
إن غلبك سدها … شوف ليك (حاويات).
(25)
التسوي كريت في القرض تلقاه في المحكمة الجنائية الدولية.
(26)
الكوبري البجيب الريح سدو واستريح.
(27)
بغم /
الما شاف (الحاويات) قافلة الكوبري بتخلعوا (التروس) القافلة الشارع.
